അയോധ്യ: രാമക്ഷേത്രത്തിന്െറ ഭൂമി പൂജ നടക്കുന്ന ദിവസം അയോധ്യയില് അഞ്ചില് കൂടുതല് പേര് ഒരുമിച്ച് നില്ക്കരുതെന്ന് ഉത്തരവ്. പ്രധാനമന്ത്രി നരേന്ദ്രമോദി ഉള്പ്പടെയുള്ളവര് പങ്കെടുക്കുന്ന ചടങ്ങ് നടക്കുന്ന ആഗസ്റ്റ് അഞ്ചിനാണ് നിയന്ത്രണം ഏര്പ്പെടുത്തിയിരിക്കുന്നത്.
കോവിഡ് പ്രോട്ടോകോള് പാലിക്കുന്നതിന്െറ ഭാഗമായാണ് ആളുകള് കൂട്ടം കൂടുന്നതിന് വിലക്കേര്പ്പെടുത്തിയതെന്ന് യു.പി പൊലീസ് അറിയിച്ചു. ചരിത്ര പ്രാധാന്യമുള്ള ചടങ്ങാണ് നടക്കുന്നത്. ഇതിന് കര്ശന സുരക്ഷ ഉറപ്പാക്കേണ്ടതുണ്ട്. അതിനാലാണ് ആളുകള് കൂട്ടം കൂടുന്നതിന് നിയന്ത്രണമേര്പ്പെടുത്തിയതെന്ന് ഡി.ഐ.ജിയുടെ ചുമതലയിലുള്ള ദീപക് കുമാര് പറഞ്ഞു. ക്ഷേത്രത്തില് ഭക്തര്ക്കും കര്ശന നിയന്ത്രണമുണ്ട്. ഭൂമിപൂജയുടെ ചടങ്ങ് എല്ലാവരും ടി.വിയിലൂടെ കാണണമെന്ന് ക്ഷേത്രം അധികാരികള് അഭ്യര്ഥിച്ചു.
നേരത്തെ അയോധ്യയില് ഡ്യൂട്ടിയിലുണ്ടായിരുന്ന 16 പൊലീസുകാര്ക്കും ക്ഷേത്രത്തിലെ പൂജാരിക്കും കോവിഡ് സ്ഥിരീകരിച്ചിരുന്നു. അയോധ്യയില് കോവിഡ് നിയന്ത്രണവിധേയമാണെന്ന് ജില്ലാ മജിസ്ട്രേറ്റ് അനുജ് കുമാര് പറഞ്ഞു.
