ന്യൂഡല്‍ഹി: ഡല്‍ഹി കലാപം പാര്‍ലമെന്‍റിന്‍റെ ഇരുസഭകളിലും ഉയര്‍ത്തി പ്രതിപക്ഷ പ്രതിഷേധം. കോണ്‍ഗ്രസ് ഉള്‍പ്പെടെയുള്ള പ്രതിപക്ഷ പാര്‍ട്ടികള്‍ മുദ്രാവാക്യം വിളികളുമായി ബഹളം വയ്ക്കുകയാണ്. ബഹളത്തെ തുടര്‍ന്ന് ഇരുസഭകളും നേരത്തേ രണ്ടു വരെ നിര്‍ത്തിവച്ചിരുന്നു.
അതേസമയം, രാജ്യത്ത് ശാന്തി നിലനിര്‍ത്താനുള്ള പെരുമാറ്റം സഭയിലെ അംഗങ്ങളില്‍നിന്ന് ഉണ്ടാകണമെന്ന് സ്പീക്കര്‍ ഓം ബിര്‍ള ആവശ്യപ്പെട്ടു. കലാപവുമായി ബന്ധപ്പെട്ട വിഷയത്തില്‍ സ്ഥിതിഗതികള്‍ ശാന്തമായ ശേഷം ചര്‍ച്ചകള്‍ നടത്താമെന്നും സ്പീക്കര്‍ വ്യക്തമാക്കി.
