ആലപ്പുഴ: സംസ്ഥാനത്ത് പക്ഷിപ്പനി സ്ഥിരീകരിച്ചതായി വനം വകുപ്പ് മന്ത്രി കെ രാജു അറിയിക്കുകയുണ്ടായി. ആലപ്പുഴ, കോട്ടയം ജില്ലകളിലെ ചില ഭാഗങ്ങളിലാണ് പക്ഷിപ്പനി റിപ്പോര്ട്ട് ചെയ്തിരിക്കുന്നത്. ആലപ്പുഴയില് താറാവുകള് ചത്തത് പക്ഷിപ്പനി മൂലമാണെന്ന് റിപ്പോര്ട്ട് ചെയ്തിരിക്കുന്നത്. എട്ട് സാമ്ബിളുകള് പരിശോധിച്ചതില് നിന്നാണ് താറാവുകളുടെ മരണകാരണം പക്ഷി പനിയാണെന്ന് വ്യക്തമായത്.
എച്ച്5എന്8 എന്ന വിഭാഗത്തില്പെട്ട പക്ഷിപ്പനിയാണ് സ്ഥിരീകരിച്ചതെന്നും മറ്റ് സംസ്ഥാനങ്ങളില് നിന്ന് കോഴിയെ കൊണ്ടുവരുന്നതില് നിരോധനമില്ലെന്നും മന്ത്രി അറിയിക്കുകയുണ്ടായി. എന്നാല് അതേസമയം, വൈറസിനുണ്ടാകുന്ന വ്യതിയാനം അനുസരിച്ച് മനുഷ്യരിലേക്ക് പകരാന് സാധ്യതയുണ്ടെങ്കിലും ഇതു വരെ ഈ വൈറസ് മനുഷ്യരില് പകര്ന്നിട്ടില്ലെന്നാന് വിദഗ്ധര് പറയുന്നത്.
