പാക്കിസ്ഥാനിലെ ക്വറ്റയില് പൊലീസ് ട്രെയിനിംഗ് കോളജിനു നേരെയുണ്ടായ ആക്രമണത്തില് 60 പേര് കൊല്ലപ്പെട്ടു. തിങ്കളാഴ്ച രാത്രിയില് നടന്ന ഭീകരാക്രമണത്തില് നിരവധിപ്പേര്ക്ക് പരിക്കേറ്റു. മൂന്നു ഭീകരരെ വധിച്ചതായി പൊലീസ് അറിയിച്ചു. ഭീകരര് ട്രെയിനിംഗ് കോളജിന്റെ ഹോസ്റ്റലില് വെടിവെയ്പ്പ് നടത്തുകയായിരുന്നു. അറുനൂറിലധികം ട്രെയിനിംഗ് വിദ്യാര്ഥികളാണ് ആ സമയം ഹോസ്റ്റലില് ഉണ്ടായിരുന്നത്. ആറു ഭീകരരാണ് കോളജിലേക്കു കടന്നു കയറിയതെന്നാണ് റിപ്പോര്ട്ട്. സംഭവത്തെ തുടര്ന്ന് സുരക്ഷാസേന കോളജ് വളഞ്ഞിരിക്കുകയാണ്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.
