ലേഡി സൂപ്പര്‍ സ്റ്റാര്‍ നയന്‍താര ഐഎഎസ് ഓഫീസറുടെ വേഷത്തില്‍ എത്തുന്ന ചിത്രമാണ് ‘ആരം’. ഈ മാസം 10ന് ചിത്രം തിയേറ്ററുകളില്‍ എത്തുന്ന ചിത്രത്തിന്‍റെ ട്രെയിലര്‍ പുറത്തിറങ്ങി.
ഒരു ഗ്രാമം നേരിടുന്ന ജലക്ഷാമവും അതിനെതിരെ പ്രദേശവാസികള്‍ നടത്തുന്ന പ്രക്ഷോഭവുമാണ് ചിത്രത്തിന്‍റെ പ്രമേയം. ഗ്രാമത്തിലേക്ക് ജലം എത്തിക്കുന്നതിന് തടസം നില്‍ക്കുന്നവര്‍ക്കെതിരെ പോരാടുന്ന ജില്ലാ കളക്ടര്‍ മദിവദനിയെ ആണ് നയന്‍താര അവതരിപ്പിക്കുന്നത്.
കാക്കമുട്ടൈയിലൂടെ എത്തിയ വിഗ്നേഷും രമേശും ചിത്രത്തില്‍ പ്രധാന വേഷങ്ങളിലെത്തുന്നു. സുനു ലക്ഷ്മി, വിനോദിനി വൈദ്യനാഥന്‍, പി വി ആനന്ദകൃഷ്ണന്‍ തുടങ്ങിയവരാണ് മറ്റ് വേഷങ്ങള്‍ കൈകാര്യം ചെയ്യുന്നത്. ഓം പ്രകാശ് ഛായാഗ്രഹണം നിര്‍വഹിച്ചിരിക്കുന്നു. ജിബ്രാനാണ് സംഗീതസംവിധായകന്‍.
