തിരുവനന്തപുരം: മലപ്പുറം വേങ്ങരയില് ഷാര്ജ മാതൃകയില് ഇന്റര്നാഷണല് ഡ്രൈവിംഗ് ട്രെയിനിംഗ് സെന്റര് വരുന്നു. ഇന്കലിനു കീഴിലെ 25 ഏക്കര് സ്ഥലത്താണ് കേന്ദ്രം സ്ഥാപിക്കുന്നത് . ഡ്രൈവിങ് ടെസ്റ്റിനും പരിശീലനത്തിനുമുള്ള സൗകര്യങ്ങള് ഇവിടെ പ്രത്യേകമായി സജ്ജീകരിക്കും .
ഇന്കലിന്റെ വ്യവസായ പാര്ക്കിനോടനുബന്ധിച്ചാകും ഇതെന്നാണ് വിവരം . മുഖ്യമന്ത്രി പിണറായി വിജയ ന്റെ അധ്യക്ഷതയില് ചേര്ന്ന യോഗത്തിലാണ് പുതിയ തീരുമാനം കൈക്കൊണ്ടത് . മോട്ടോര് വാഹന വകുപ്പിനു കീഴിലെ ഇന്സ്റ്റിറ്റ്യൂട്ട് ഓഫ് ഡ്രൈവിങ് ട്രെയിനിങ് ആന്ഡ് റിസര്ച്ചിനായിരിക്കും (ഐ.ഡി.ടി.ആര്) നടത്തിപ്പ് ചുമതല.
ഷാര്ജയോട് കേരളം അഭ്യര്ത്ഥിച്ച നിര്ദേശങ്ങളില് ഒന്നായിരുന്നു ഡ്രൈവിംഗ് പരിശീലന കേന്ദ്രം . ഇവിടെ ഡ്രൈവിംഗ് ടെസ്റ്റ് പാസായി ഗള്ഫ് രാജ്യങ്ങളില് ജോലിയെടുക്കാനാകുമെന്നതാണ് ഈ സെന്ററിന്റെ പ്രധാന പ്രത്യേകത. ഇന്റര്നാഷണല് ഡ്രൈവിംഗ് ലൈസന്സ് ഇതുവഴി ലഭിക്കും. ഷാര്ജയിലെ മോട്ടോര് വാഹന വകുപ്പ് ഉദ്യോഗസ്ഥര് കേരളത്തിലെ ഉദ്യോഗസ്ഥര്ക്ക് പരിശീലനം നല്കി ആവശ്യമായ മേല്നോട്ടം വഹിക്കുന്നതാണ് .
