ലഖിംപുര്: യുപിയില് നിരാഹാര സമരം അവസാനിപ്പിച്ച് പഞ്ചാബ് പിസിസി അധ്യക്ഷന് നവജ്യോത് സിംഗ് സിദ്ദു. ലഖിംപുരില് കര്ഷകര്ക്ക് മേല് കാര് കയറ്റി കൊലപ്പെടുത്തിയ സംഭവത്തിന് പിന്നാലെ കേന്ദ്രമന്ത്രിയുടെ മകന് പോലീസിന് മുന്നില് ഹാജരായതോടെയാണ് സിദ്ദു തന്റെ അനിശ്ചിതകാല നിരാഹാരം അവസാനിപ്പിച്ചത് .
ലഖിംപുര് ഖേരിയില് കര്ഷകരോടൊപ്പം കൊല്ലപ്പെട്ട പ്രാദേശിക മാധ്യമപ്രവര്ത്തകന്റെ വീട്ടിലാണു സമരം നടത്തിയിരുന്നത്. കേന്ദ്രമന്ത്രി അജയ് മിശ്രയെ പുറത്താക്കണമെന്നും ആശിഷ് മിശ്രയെ അറസ്റ്റ് ചെയ്യണമെന്നും കോണ്ഗ്രസ് ശക്തമായി ആവശ്യപ്പെട്ടിരുന്നു.
