കോഴിക്കോട്: മുക്കം നീലേശ്വരം ഗവ. ഹയര് സെക്കന്ഡറി സ്കൂളില് അധ്യാപകന് വിദ്യാര്ഥികളുടെ പരീക്ഷ എഴുതിയ സംഭവത്തില് വിദ്യാര്ഥികളോട് വീണ്ടും പരീക്ഷ എഴുതാന് വിദ്യാഭ്യാസ വകുപ്പിന്റെ നിര്ദേശം.
സേ പരീക്ഷയ്ക്കൊപ്പം വീണ്ടും പരീക്ഷ എഴുതണമെന്നാണ് നിര്ദേശിച്ചിരിക്കുന്നത്. അതേസമയം, ഈ നിര്ദേശം അംഗീകരിക്കാനാകില്ലെന്ന് വിദ്യാര്ഥികളുടെ മാതാപിതാക്കള് അറിയിച്ചു. സംഭവത്തില് മൂന്ന് അധ്യാപകര്ക്കെതിരെ പോലീസ് ജാമ്യമില്ലാ വകുപ്പ് പ്രകാരം കേസെടുത്തിട്ടുണ്ട്. ആള്മാറാട്ടം, വ്യാജരേഖ ചമയ്ക്കല് തുടങ്ങിയ പരാതിയിലാണ് മുക്കം പോലീസ് കേസെടുത്തത്.
വിദ്യാര്ഥികള്ക്കുവേണ്ടി അധ്യാപകന് പരീക്ഷ എഴുതിയ സംഭവത്തില് സമഗ്ര അന്വേഷണം നടത്തണമെന്നാവശ്യപ്പെട്ടു ഹയര് സെക്കന്ഡറി ഡയറക്ടര് ജയശ്രീ ഡിജിപി ലോക്നാഥ് ബെഹ്റയ്ക്കു പരാതി നല്കിയിരുന്നു.