കൊച്ചി: കള്ളപ്പണം വെളുപ്പിച്ചെന്ന പരാതിയില് മുന് പൊതുമരാമത്ത് മന്ത്രി ഇബ്രാഹിം കുഞ്ഞിനെതിരെ എന്ഫോഴ്സ്മെന്റ് ഡയറക്ടറേറ്റ് കേസെടുത്തു. പത്ത് കോടിരൂപയുടെ കള്ളപ്പണം വെളുപ്പിച്ചെന്ന പരാതിയിലാണ് കേസ്. പ്രാഥമിക അന്വേഷണം തുടങ്ങിയെന്ന് എന്ഫോഴ്സ്മെന്റ് ഹൈകോടതിയെ അറിയിച്ചു.
കള്ളപ്പണം വെളുപ്പിച്ചെന്ന കേസില് എന്ഫോഴ്സ്മെന്റിനോടും പാലാരിവട്ടം പാലം അഴിമതി കേസില് വിജിലന്സിനോടും അടുത്ത മാസം ഏഴാം തീയതിക്കുള്ളില് റിപ്പോര്ട്ട് സമര്പ്പിക്കാന് ഹൈകോടതി ആവശ്യപ്പെട്ടു.
ചന്ദ്രിക പത്രത്തിന്റെ ഡയറക്ടര് ബോര്ഡ് അംഗമാണ് വി.കെ ഇബ്രാഹിംകുഞ്ഞ്. 2016 നവംബറില് നോട്ട് നിരോധനം നിലവില് വന്നതിന് തൊട്ടുപിന്നാലെ ചന്ദ്രിക പത്രത്തിെന്റ കൊച്ചിയിലുള്ള രണ്ട് ബാങ്ക് അക്കൗണ്ടുകളിലായി പത്ത് കോടി രൂപ നിക്ഷേപിച്ചെന്നാണ് ആരോപണം.