ആസിഫ് അലിയുടെ സഹോദരന് അസ്കര് അലിയും, അപര്ണ ബാലമുരളിയും പ്രധാന വേഷത്തിലഭിനയിക്കുന്ന സിനിമയാണ് ‘കാമുകി’. ഇതിഹാസ, സ്റ്റൈയില് എന്നീ സിനിമകള്ക്ക് ശേഷം ബിനു എസ് ആണ് ചിത്രം സംവിധാനം ചെയ്യുന്നത്.
അന്ധനായ ചെറുപ്പക്കാരനെ പ്രണയിക്കുന്ന കാമുകിയുടെ കഥയാണ് ചിത്രത്തിലൂടെ പറയുന്നത്. റിയല് ലൈഫ് കോളേജ് സ്റ്റോറിയായിട്ടാണ് ചിത്രം നിര്മ്മിച്ചിരിക്കുന്നത്. ഉന്മേഷ് ഉണ്ണികൃഷ്ണന് ആണ് നിര്മ്മാണം. കാവ്യാ സുരേഷ് , ബൈജു, ബിനു അടിമാലി, പ്രദീപ് കോട്ടയം, റോസിന് ജോളി,ഡാന് ഡേവിസ്, ഉല്ലാസ് പന്തളം, അനീഷ് വികടന് തുടങ്ങിയവരാണ് മറ്റു താരങ്ങള്. റോവിന് ഭാസ്കര് ഛായാഗ്രഹണം നിര്വഹിക്കുന്ന ചിത്രത്തിന്റെ സംഗീതം ആനന്ദ് മധുസൂദനാണ്.
പ്രണയവും കോമഡിയും കോര്ത്തിണക്കി നിര്മ്മിക്കുന്ന സിനിമയുടെ ചിത്രീകരണം പൂര്ത്തിയായി അടുത്ത് തന്നെ റിലീസിന് തയ്യാറെടുക്കുകയാണ്.