ഖത്തറില്‍ ഇന്ന് പകല്‍ ശക്തമായ കാറ്റടിക്കാന്‍ സാധ്യതയെന്ന് കാലാവസ്ഥ അധികൃതരുടെ മുന്നറിയിപ്പ്. ചില പ്രദേശങ്ങളില്‍ നേരിയ തോതില്‍ മഴക്കും സാധ്യതയുണ്ട്. ഖത്തറില്‍ ഈ വാരാന്ത്യം തണുപ്പ് കൂടാന്‍ സാധ്യതയുണ്ടെന്ന് അധികൃതര്‍ നേരത്തെ അറിയിച്ചിരുന്നു.
കഴിഞ്ഞ ദിവസങ്ങളില്‍ രാജ്യത്ത് ശക്തമായ കാറ്റനുഭവപെട്ടതായി റിപ്പോര്‍ട്ടുകള്‍ പുറത്തുവന്നിരുന്നു. ദൂരക്കാഴ്ച പരിധി നാല് മുതല്‍ എട്ടു കിലോമീറ്റര്‍ വരെ. ദോഹയില്‍ ഇന്നനുഭവപ്പെടുന്ന പരമാവധി താപ നില 25 ഡിഗ്രി സെല്‍ഷ്യസ്.
