ന്യൂഡല്ഹി:ഇന്ത്യയുടെ 45 ആമത് ചീഫ് ജസ്റ്റിസായി ജസ്റ്റിസായി ദീപക് മിശ്ര ചുമതലയേറ്റു. രാഷ്ട്രപതി രാംനാഥ് കോവിന്ദ് സത്യവാചകം ചൊല്ലിക്കൊടുത്തു. 13 മാസം നീണ്ടുനില്ക്കുന്ന ചീഫ് ജസ്റ്റിസ് പദവിയില് പല സുപ്രധാനകേസുകളും ദീപക് മിശ്രയുടെ മുന്നിലെത്തും.ബാബരി മസ്ജിദ് ഭൂമി തര്ക്കമുള്പ്പടെ, സുപ്രധാനമായ പല കേസുകള്ക്കും ദീപക് മിശ്രയുടെ കാലത്ത് തീര്പ്പുണ്ടാകും.
കെട്ടികിടക്കുന്ന കേസുകളുടെ എണ്ണം കുറക്കുന്നതുള്പ്പടെ നിരവധി വെല്ലുവിളികളും ദീപക് മിശ്രയെ കാത്തിരിപ്പുണ്ട്.സ്വകാര്യത കേസിലെ വിധി ആര്ട്ടിക്കിള് 377 ന് എങ്ങനെ ബാധിക്കുമെന്നത് സംബന്ധിച്ച് തീര്പ്പാക്കാനും ഭരണഘടനാ ബെഞ്ചിന് ഉടന് രൂപം നല്കേണ്ടതുമുണ്ട്.
ജഡ്ജിമാരുടെ നിയമനത്തിന് പുതിയ സംവിധാനം ഒരുക്കാന് ദീപക് മശ്രയ്ക്ക് എന്ത്ചെയ്യാനാകുമെന്നും രാജ്യം ഉറ്റുനോക്കുന്നു. രാജ്യത്ത് കെട്ടികിടക്കുന്ന കേസുകളുടെ എണ്ണം കുറയ്ക്കുക, കീഴ്കോടതികളിലെ ജഡ്ജിമാരുടെ ഒഴിവുകള് നികത്തുക തുടങ്ങിയവയും പുതിയ ചീഫ് ജസ്റ്റിസിനു മുന്നിലെ വെല്ലുവിളികളാണ്.
image credit, the Hindu