ന്യൂഡല്ഹി: രാജ്യത്തെ 400പേരില് ബ്രിട്ടന്, ബ്രസീല്, ദക്ഷിണാഫ്രിക്ക എന്നി രാജ്യങ്ങളില് കണ്ടെത്തിയ കൊറോണ വൈറസ് വകഭേദം കണ്ടെത്തി. ഇതില് 158 കേസുകള് കഴിഞ്ഞ രണ്ടാഴ്ചക്കിടെയാണ് റിപ്പോര്ട്ട് ചെയ്തതെന്നും കേന്ദ്ര സര്ക്കാര് വ്യക്തമാക്കുന്നു. മാര്ച്ച് നാലിലെ കണക്കനുസരിച്ച് അതിവേഗ വൈറസ് ബാധിച്ച 242 കേസുകളാണ് രാജ്യത്ത് ഉണ്ടായിരുന്നത്. ഡിസംബര് 29ന് ബ്രിട്ടനില് നിന്ന് രാജ്യത്ത് എത്തിയ ആറുയാത്രക്കാരിലാണ് ആദ്യമായി പുതിയ കോവിഡ് വകഭേദം കണ്ടെത്തിയത്.
പെട്ടെന്നു പടര്ന്നു പിടിക്കുന്നതാണ് ഈ കോവിഡ് വക ഭേദങ്ങളെന്നാണ് നിഗമനം. ജനിതക മാറ്റം സംഭവിച്ച ഈ വൈറസുകള്ക്ക് മുമ്ബ് കോവിഡ് ബാധിച്ചവരെ വീണ്ടും പിടികൂടാനുള്ള സാധ്യതയുണ്ടെന്ന് ആരോഗ്യ സഹമന്ത്രി അശ്വനി ചൗധരി രാജ്യസഭയില് വ്യക്തമാക്കി. അതേസമയം, പുതിയ വൈറസ് വകഭേദം വീണ്ടും ബാധിച്ച കേസുകള് ഇതുവരെ രാജ്യത്ത് റിപ്പോര്ട്ട് ചെയ്തിട്ടില്ല. ലോകാരോഗ്യസംഘടനയുടെ കണ്ടെത്തലുകളെ ഉദ്ധരിച്ചാണ് അശ്വനി ചൗബ സഭയില് മറുപടി നല്കിയത്.
ഡിസംബര് 29ന് ബ്രിട്ടനില് നിന്ന് ഇന്ത്യയിലേക്ക് മടങ്ങിയ ആറ് പേര്ക്കാണ് രാജ്യത്ത് ആദ്യമായി കോവിഡിന്റെ യു.ക വകഭേദം കണ്ടെത്തിയത്. കഴിഞ്ഞ രണ്ടാഴ്ചയായി രാജ്യത്ത് കോവിഡ് കേസുകളില് 43 ശതമാനത്തിന്റെ വര്ധനയാണ് റിപ്പോര്ട്ട് ചെയ്യുന്നത്. ഇത് രണ്ടാം വ്യാപന തരങ്കത്തിന്റെ ലക്ഷണമാണെന്ന് ആരോഗ്യ മന്ത്രാലയം സൂചന നല്കിയിരുന്നു.