അഗ്ര: രാജ്യത്തെ ആദ്യത്തെ നോവല്‍ കൊറോണ വൈറസുമായി ബന്ധപ്പെട്ട എഫ്‌ഐആറില്‍, ബെംഗളൂരു ടെക്കിയുടെ ഭാര്യയുടെ പിതാവിനെതിരെ കേസെടുത്തു. ജീവന്‍ അപകടകരമായ രോഗബാധയെ പടര്‍ത്തുന്നതിനുള്ള അശ്രദ്ധവും മാരകവുമായ പ്രവൃത്തിയ്‌ക്കെതിരെയാണ് ഞായറാഴ്ച പൊലീസ് കേസെടുത്തത്.

മാര്‍ച്ച്‌ 12 ന് ഭര്‍ത്താവ് കോവിഡ് -19 ന് പോസിറ്റീവ് പരീക്ഷിക്കുന്നതിനുമുമ്ബ് യൂറോപ്പില്‍ നിന്ന് മടങ്ങിയെത്തിയ 25 കാരി ന്യൂഡല്‍ഹിയിലേക്ക് വിമാനത്തിലും മാര്‍ച്ച്‌ 9 ന് ആഗ്രയിലെത്താന്‍ ട്രെയിനിലും യാത്ര ചെയ്തിരുന്നു. ഭര്‍ത്താവിന് കൊറോണ സ്ഥിരകരിച്ചതോടെ മെഡിക്കല്‍ സംഘം യുവതിയുടെ വീട്ടിലെത്തിയിരുന്നു. എന്നാല്‍ റെയില്‍വേ ജോലിക്കാരനായ യുവതിയുടെ പിതാവ് മെഡിക്കല്‍ അധികാരികളുമായി സഹകരിച്ചില്ലെന്നും മകള്‍ എവിടെയാണെന്ന് ഡിഎമ്മിനോട് കള്ളം പറയുകയും ചെയ്‌തെന്ന അഡീഷണല്‍ ചീഫ് മെഡിക്കല്‍ ഓഫീസര്‍ ഡോ. വിനയ് കുമാറിന്റെ പരാതിയുടെ അടിസ്ഥാനത്തില്‍ കേസെടുക്കുകയായിരുന്നു.

ഐപിസിയുടെ സെക്ഷന്‍ 269 (ജീവന് അപകടകരമായ രോഗം പടരാന്‍ സാധ്യതയുള്ള അശ്രദ്ധമായ പ്രവര്‍ത്തനം), 270 (ജീവന്‍ അപകടകരമായ രോഗം ബാധിക്കാന്‍ സാധ്യതയുള്ള മാരകമായ പ്രവര്‍ത്തനം) എന്നിവ ചുമത്തിയാണ് അദ്ദേഹത്തിനെതിരെ കേസെടുത്തിരിക്കുന്നത്. രണ്ട് വര്‍ഷം വരെ തടവോ അല്ലെങ്കില്‍ പിഴയോ അതുമല്ലെങ്കില്‍ രണ്ടും കൂടി ഒരുമിച്ചോ ആയിരിക്കും ശിക്ഷ.

അതേസമയം, തന്റെ കുടുംബം മുഴുവന്‍ കടുത്ത സമ്മര്‍ദ്ദത്തിലാണെന്നും തങ്ങളുടെ സാമ്ബിളുകള്‍ നെഗറ്റീവ് ആണെന്ന് അറിഞ്ഞിട്ടും ഞങ്ങളില്‍ എട്ട് പേരെ സ്വയം ക്വാറന്റൈന്‍ ചെയ്യാന്‍ ആവശ്യപ്പെട്ടെന്നും മാത്രവുമല്ല അധികൃതര്‍ ഇതുവരെ ഞങ്ങളുടെ മകളെക്കുറിച്ചുള്ള വിവരങ്ങള്‍ പങ്കുവച്ചിട്ടില്ലെന്നും ഞങ്ങള്‍ക്ക് ഞങ്ങളുടെ മകളെ തിരികെ വേണം. അവള്‍ സുഖമാണെന്ന് എനിക്കറിയാമെന്നും യുവതിയുടെ പിതാവ് പറഞ്ഞു.

എന്നാല്‍ ആഗ്രയില്‍ നിന്നുള്ള ബെംഗളൂരു ആസ്ഥാനമായുള്ള ടെക്കിയുടെ ഭാര്യയുടെ സാമ്ബിള്‍ കോവിഡ് -19 പോസിറ്റീവ് ആണെന്ന് ആഗ്ര ജില്ലാ മജിസ്ട്രേറ്റ് പ്രഭു എന്‍ സിംഗ് പറഞ്ഞു. വെള്ളിയാഴ്ച മുതല്‍ അവളെ ഇന്‍സുലേഷന്‍ വാര്‍ഡില്‍ പാര്‍പ്പിച്ചിരിക്കുന്നുവെന്നും ആരോഗ്യവകുപ്പ് ചികിത്സാ പ്രക്രിയ ആരംഭിച്ചുവെന്നും അദ്ദേഹം പറഞ്ഞു.

ജില്ലാ മജിസ്ട്രേറ്റിന്റെ പരാതിയെത്തുടര്‍ന്ന് റെയില്‍വേ അധികൃതര്‍ അദ്ദേഹത്തിനെതിരായ വകുപ്പുതല നടപടി പരിഗണിക്കുന്നുണ്ട്. ഇപ്പോള്‍, ജീവനക്കാരനെയും റെയില്‍വേ ജോലിക്കാരിയായ മറ്റൊരു മകളെയും 14 ദിവസത്തെ അവധിയില്‍ അയച്ചിട്ടുണ്ടെന്ന് ആഗ്ര ഡിവിഷണല്‍ റെയില്‍വേ മാനേജരുടെ പബ്ലിക് റിലേഷന്‍സ് ഓഫീസര്‍ എസ് കെ ശ്രീവാസ്തവ് പറഞ്ഞു.