ചെന്നൈ: പ്രശസ്ത തമിഴ് സിനിമാ ഛായാഗ്രാഹകന്‍ പ്രിയന്‍ വിടവാങ്ങി . 55 വയസായിരുന്നു. ഹൃദയാഘാതം മൂലം ചെന്നൈയിലെ വസതിയിലായിരുന്നു അന്ത്യം.
ഹരി സംവിധാനം ചെയ്യുന്ന സാമി 2 ചെയ്തുകൊണ്ടിരിക്കുമ്പോഴാണ് പ്രിയന്‍റെ അകാല മരണം.
ബാലുമഹേന്ദ്രയുടെ സഹായിയായി സിനിമയിലെത്തിയ പ്രിയന്‍ 1995 പുറത്തിറങ്ങിയ തൊട്ടാ ചിണുങ്ങി എന്ന ചിത്രത്തിത്തിലൂടെയാണ് സ്വതന്ത്ര ഛായാഗ്രാഹകനാകുന്നത്. സംവിധായകന്‍ ഹരിയുടെ സിനിമകളുടെ സ്ഥിരം ഛായാഗ്രാഹകനായിരുന്നു പ്രിയന്‍. ആറ്, സിങ്കം, സിങ്കം2, സിങ്കം 3, സാമി, വേല്‍ അരുള്‍ തുടങ്ങി ഹരിക്കുവേണ്ടി പ്രിയന്‍ ക്യാമറ ചലിപ്പിച്ച ചിത്രങ്ങളെല്ലാം വമ്പന്‍ ഹിറ്റുകളായി.
