തിരുവനന്തപുരം : പോത്തന്കോട് സ്കൂള് വിദ്യാര്ഥികള് സഞ്ചരിച്ച ബൈക്ക് ടെമ്പോ വാനുമായി കൂട്ടിയിടിച്ച് ഒരാള് മരിച്ചു. രണ്ടു പേര്ക്ക് ഗുരുതര പരിക്കേറ്റു. നെടുവേലി ഹയര് സെക്കന്ഡറി സ്കൂളിലെ പ്ലസ്ടു വിദ്യാര്ഥി തോന്നയ്ക്കല് കുടവൂര് സ്വദേശി ജിതിന് (17) ആണ് മരിച്ചത്.
ഇന്ന് രാവിലെ എട്ടോടെ നന്നാട്ടുകാവ് അമാറുകുഴി വളവിലായിരുന്നു അപകടം. മൂവരും കൂടി ബൈക്കില് പോത്തന്കോട് ഭാഗത്ത് നിന്നും നെടുവേലി സ്കൂളിലേയ്ക്ക് പോകുകയായിരുന്നു.
നാട്ടുകാവ് അമാറുകുഴി വളവില് വച്ച് മറ്റൊരു വാഹനത്തെ മറികടക്കുന്നതിനിടെ വെമ്പായം ഭാഗത്ത് നിന്നും കിന്ഫ്രയിലേയ്ക്ക് ജീവനക്കാരെയും കൊണ്ടുപോയ ടെമ്പോ വാനില് ഇടിക്കുകയായിരുന്നു. ജിതിന് സംഭവ സ്ഥലത്ത് തന്നെ മരിച്ചു.