നടൻ ദുൽഖർ സൽമാൻ നിർമ്മിക്കുന്ന ആദ്യ ചിത്രത്തിൽ സഹസംവിധായികയായി നടി അനുപമ പരമേശ്വരൻ അരങ്ങേറുന്നു. ഷംസു സയ്ബ എന്ന നവാഗത സംവിധായകന്റെ ചിത്രത്തിലാണ് അനുപമ സഹസംവിധായികയുടെ വേഷമണിയുന്നത്. ഇനിയും പേരിട്ടിട്ടില്ലാത്ത ചിത്രത്തിൻ്റെ ഷൂട്ടിംഗ് പുരോഗമിക്കുകയാണ്.
കഴിഞ്ഞ മാസമാണ് താൻ ആദ്യമായി സിനിമ നിർമ്മിക്കുകയാണെന്ന് ദുൽഹർ അറിയിച്ചത്. തൻ്റെ ഫേസ്ബുക്ക് പേജിലൂടെ ദുൽഖർ തന്നെയാണ് സിനിമ നിർമ്മാണത്തിൻ്റെ വിവരം അറിയിച്ചത്. തൻ്റെ ആദ്യ നിർമ്മാണ സംരംഭമാണിതെന്നറിയിച്ച ദുൽഖർ ബാനറിൻ്റെ പേര് ഉടൻ അറിയിക്കുമെന്നും പോസ്റ്റിൽ വിശദീകരിച്ചിരുന്നു.
അൽഫോൺ പുത്രൻ സംവിധാനം ചെയ്ത ‘പ്രേമം’ എന്ന ചിത്രത്തിലൂടെ അരങ്ങേറിയ അനുപമ നാല് തെന്നിന്ത്യൻ ഭാഷകളിൽ അഭിനയിച്ചിട്ടുണ്ട്.