പൂച്ചാക്കല്: ആലപ്പുഴയില് മാരക മയക്കുമരുന്നു ശേഖരവുമായ് യുവാവ് പിടിയില്. എറണാകുളം തമ്മനം മുല്ലേത്ത് ലിജു (44) ആണ് 138 ഗ്രാം എംഡി എം എ യു മായ് പിടിയിലായത്.
തൈക്കാട്ടുശ്ശേരി മണപ്പുറം ബസ്സ് സ്റ്റോപ്പിന് സമീപത്ത് നിന്നുമാണ് പൊലീസ് മയക്കുമരുന്ന് കണ്ടെത്തിയത്. ലിജു യാത്ര ചെയ്ത ചേര്ത്തല – അരുക്കുറ്റി റൂട്ടിലെ സ്വകാര്യ ബസ്സ് പരിശോധിക്കവെയാണ് മയക്കുമരുന്നുമായി ഇയാള് പിടിയിലായത്.
ഓപ്പണ് മാര്ക്കറ്റില് ലക്ഷങ്ങള് വിലമതിക്കുന്ന മയക്കുമരുന്നാണ് പിടികൂടിയത്. വിവിധ സ്ഥലങ്ങളില് വില്പ്പന നടത്താനായി കൊണ്ടുവന്ന മയക്കുമരുന്നാണ് പിടികൂടിയതെന്ന് പൊലീസ് പറഞ്ഞു.
ആലപ്പുഴ ജില്ലയില് ഇതു വരെ പിടികൂടിയതില് ഏറ്റവും വലിയ അളവ് മയക്കുമരുന്നാണ് ലിജുവില് നിന്നും പിടികൂടിയത്.