കൊച്ചി: ഭാര്യയെ കൊലപ്പെടുത്തിയ ഭര്ത്താവ് അറസ്റ്റില്. കാലടി കാഞ്ഞൂരില് ഇന്നലെ രാത്രിയാണ് സംഭവം. തമിഴ്നാട് തെങ്കാശി സ്വദേശിനി രത്നവല്ലി (35) യാണ് കൊല്ലപ്പെട്ടത്.
കൃത്യം നടത്തിയതിന് പിന്നാലെ രത്നവല്ലിയെ കാണാനില്ലെന്ന പരാതിയുമായി ഭര്ത്താവ് മഹേഷ് കുമാര് പൊലീസ് സ്റ്റേഷനിലെത്തുകയായിരുന്നു.
സംശയം തോന്നിയ പൊലീസ് ഇയാള്ക്കൊപ്പം വീട്ടിലെത്തുകയായിരുന്നു. തുടര്ന്ന് ചോദ്യം ചെയ്തപ്പോള് തൊട്ടടുത്തുള്ള ജാതിത്തോട്ടത്തില് ഭാര്യയുടെ മൃതദേഹമുണ്ടെന്ന് പ്രതി പൊലീസിനോട് പറഞ്ഞു. നഗ്നമായ നിലയിലായിരുന്നു മൃതദേഹം. കൊലപാതക ശേഷം ലൈംഗിക അതിക്രമവും നടത്തി.
പൊലീസ് വിശദമായി ചോദ്യം ചെയ്തതോടെ ഭാര്യയെ കഴുത്തുഞെരിച്ച് കൊന്നതാണെന്ന് പ്രതി സമ്മതിച്ചു. സംശയമാണ് കൊലപാതകത്തിന് കാരണം. തമിഴ്നാട് സ്വദേശികളായ ദമ്ബതികള് ദീര്ഘനാളായി കാലടിയില് താമസിച്ചുവരികയായിരുന്നു.