ചൈനയിലെ കൊറോണ വൈറസ് ബാധയുടെ പശ്ചാത്തലത്തില് ലോകാരോഗ്യ സംഘടന ആഗോള അടിയന്തരാവസ്ഥ പ്രഖ്യാപിച്ചു. ചൈനയ്ക്ക് പുറത്തേയ്ക്കും വൈറസ് ബാധ വ്യാപിക്കുന്ന സാഹചര്യത്തിലാണ് നടപടി.
ചൈനയില് കൊറോണ ബാധ മൂലം മരിച്ചവരുടെ എണ്ണം 213 ആയി ഉയര്ന്നു. ലോകത്താകമാനമായി 9700 പേര്ക്കാണ് രോഗം സ്ഥിരീകരിച്ചിട്ടുള്ളത്. ഇതില് ബഹുഭൂരിപക്ഷവും ചൈനയിലാണ്. ചൈനയ്ക്ക് പുറത്ത് 20 രാജ്യങ്ങളില് രോഗം സ്ഥിരീകരിച്ചിട്ടുണ്ട്. ഏറ്റവും അവസാനമായി സ്ഥിരീകരിച്ചത് ഇന്ത്യയിലും ഫിലിപ്പിന്സിലുമാണ്. ലോക ആരോഗ്യ സംഘടന രോഗം ബാധിച്ച രാജ്യങ്ങളുടെ പട്ടികയില് ഇന്ത്യയെ ഉള്പ്പെടുത്തിയിട്ടുണ്ട്.
അതേസമയം, കേരളത്തില് കൊറോണ ബാധ സ്ഥിരീകരിച്ച വിദ്യാര്ത്ഥിനിയെ ജനറല് ആശുപത്രിയില് നിന്ന് തൃശൂര് മെഡിക്കല് കോളേജിലേക്ക് മാറ്റി. മെഡിക്കല് കോളേജിലെ ഐസൊലേഷന് വാര്ഡിലേക്കാണ് മാറ്റിയത്. പെണ്കുട്ടിയുമായി യാത്രയിലും മറ്റും ബന്ധപ്പെട്ടവരുടെ പട്ടിക തയാറാക്കാന് തീരുമാനിച്ചിട്ടുണ്ട്. വിദ്യാര്ത്ഥിനിയുമായി ബന്ധപ്പെട്ടവര്ക്ക് രോഗ ലക്ഷണങ്ങളില്ലെങ്കിലും അവരെ കണ്ടെത്തി നിരീക്ഷിക്കാനാണ് നീക്കം.
