ഡല്ഹി : ചൈനീസ് ബന്ധം കണ്ടെത്തിയതിനെ തുടര്ന്ന്, ഇന്ഫര്മേഷന് ടെക്നോളജി ആക്ടിന്റെ, 69എ സെക്ഷന് പ്രകാരം, കേന്ദ്ര സര്ക്കാര് നിരോധിച്ചതോടെ ജനകോടികളുടെ പ്രിയ സ്മാര്ട് ഫോണ് ഗെയിം പബ്ജി ആപ് സ്റ്റോറുകളില് നിന്ന് അപ്രത്യക്ഷമായിരുന്നു.
ഗെയിമിന്റെ ഉടമയായ കൊറിയന് കമ്ബനി പബ്ജി കോര്പറേഷന് ഇതേ തുടര്ന്ന്, ചൈനീസ് കമ്ബനിയായ ടെന്സെന്റുമായുള്ള ബന്ധം വിച്ഛേദിച്ച് ഇന്ത്യയില് തനിച്ചു പ്രവര്ത്തനം തുടരാനുള്ള ശ്രമം നടത്തിയിരുന്നെങ്കിലും അതും പരാജയപ്പെട്ടു.
ഇന്ത്യയിലെ വിതരണാവകാശമായിരുന്നു ടെന്സന്റിനു നല്കിയിരുന്നത്. ഗെയിം തങ്ങളുടെ ഫോണിലുണ്ടെങ്കിലും അതിന് ഒരു തരത്തിലും നെറ്റ്വര്ക്കുമായി കണക്ടു ചെയ്യാന് ഇന്ത്യയിലെ ടെലികോം ഓപ്പറേറ്റര്മാര് അനുവദിക്കാത്തതിനാല് പബ്ജി കളിക്കാര് പെട്ടുപോയി.
ഉപയോക്തൃ ഡാറ്റാ സ്വകാര്യതയെയും സുരക്ഷയെയും കുറിച്ചുള്ള ഇന്ത്യന് ഗവണ്മെന്റിന്റെ ആശങ്കകള് പരിഹരിക്കുന്നതിന് ഇന്ത്യന് ഉപയോക്താക്കളുടെ ഡാറ്റ രാജ്യത്തിനകത്ത് സംഭരിക്കുന്നതിനായി ആഗോള ക്ലൗഡ് സേവന ദാതാക്കളുമായി പബ്ജി കോര്പ്പ് അടുത്ത ആഴ്ചകളില് ബന്ധപ്പെട്ടിട്ടുണ്ടെന്ന് ടെക്ക്രഞ്ച് റിപ്പോര്ട്ട് പറയുന്നു.
ഈ വര്ഷം അവസാനിക്കുന്നതിനുമുമ്ബ് ഇന്ത്യയില് സേവനം പുനരാരംഭിക്കുമെന്ന് പ്രതീക്ഷിക്കുന്നതായി പബ്ജി കോര്പ്പ് രാജ്യത്തെ ചില ഉന്നത സ്ട്രീമര്മാരെ സ്വകാര്യമായി അറിയിച്ചിട്ടുണ്ടെന്നും റിപ്പോര്ട്ടില് പറയുന്നു. ഇന്ത്യയില് ദീപാവലി ആഴ്ചയില് മാര്ക്കറ്റിംഗ് കാമ്ബയിന് നടത്താന് കമ്ബനി പദ്ധതിയിടുന്നുണ്ടെന്നും റിപ്പോര്ട്ടില് പറയുന്നു. ഒരു പ്രസ്താവനയ്ക്കുള്ള ടെക്ക്രഞ്ചിന്റെ അഭ്യര്ത്ഥനയോട് പബ്ജി കോര്പ്പ് പ്രതികരിച്ചില്ല.
