കൊച്ചി: കൊച്ചി ബ്രോഡ്‌വേയിൽ തീപിടുത്തം. ബ്രോഡ്‌വേയിലെ വ്യാപാര സ്ഥാപനത്തിലാണ് തീപിടുത്തമുണ്ടായത്. അഗ്നിശമന സേന സ്ഥലത്തെത്തി തീയണയ്ക്കാനുള്ള ശ്രമം തുടരുകയാണ്.
ബ്രോഡ്‌വേയിലെ ക്ലോത്ത് ബസാറിലാണ് തീപിടുത്തമുണ്ടായിരിക്കുന്നത്. തുണിത്തരങ്ങൾ മാത്രം ലഭിക്കുന്ന ഇടമെന്നിരിക്കെ തീ പടർന്ന് പിടിക്കാനുള്ള സാധ്യത ഏറെയാണ്.
മറ്റ് വ്യാപാര സ്ഥാപനങ്ങളിലേക്ക് തീ പടരാതിരിക്കാനുള്ള ശ്രമം ആരംഭിച്ചു.
എന്നാൽ രണ്ട് കടകളിലേക്ക് കൂടി തീ പടർന്ന് പിടിച്ചിട്ടുണ്ട്. പരിസരത്തെ കടകളിൽ നിന്ന് ആളുകളെ ഒഴിപ്പിച്ചു. കൂടുതൽ ഫയർ ഫോഴ്‌സ് യൂണിറ്റുകൾ സംഭവസ്ഥലത്തേക്ക് എത്തിക്കുമെന്ന് ഉദ്യോഗസ്ഥർ അറിയിച്ചു.
