റഷ്യയുടെ യുക്രൈന്‍ അധിനിവേശം അറുപത് ദിവസം പിന്നിടുമ്ബോള്‍ റഷ്യയും യക്രൈനും മാത്രമല്ല. ലോകത്തെ മറ്റു ശാക്തിക ചേരികളും യുദ്ധപ്രഖ്യാപനം നടത്തുകയാണ്.
ചൈന പോലെയുള്ള രാജ്യങ്ങളുടെ കടന്നു കയറ്റവും അവരുടെ നീക്കങ്ങളും മറ്റു രാജ്യങ്ങള്‍ക്ക് അസ്വസ്ഥതയുണ്ടാക്കുന്നുണ്ടെങ്കില്‍ ഇനിയും മടിച്ചു നില്‍ക്കാതെ യുദ്ധത്തിനിറങ്ങണം എന്ന മനോഭാവത്തിലേയ്ക്ക് റഷ്യ യുക്രൈന്‍ യുദ്ധം ഇപ്പോള്‍ ഓസ്‌ട്രേലിയ പോലെയുള്ള രാജ്യങ്ങളെ കൊണ്ടുചെന്നെത്തിച്ചിട്ടുണ്ട്.
ഫെബ്രുവരി 24 ന് യുക്രൈനില്‍ സമ്ബൂര്‍ണ അധിനിവേശം നടത്തിയ റഷ്യന്‍ പ്രസിഡന്റ് വഌഡിമിര്‍ പുടിനെ നാസി നേതാവ് അഡോള്‍ഫ് ഹിറ്റ്‌ലറുമായി ഓസ്‌ട്രേലിയന്‍ പ്രതിരോധ മന്ത്രി പീറ്റര്‍ ഡട്ടണ്‍ താരതമ്യം ചെയ്തത്. ഇത്തരത്തിലുള്ള ശ്രമങ്ങളെ യുദ്ധത്തിലൂടെ തന്നെ തോല്‍പ്പിക്കണം എന്നാണ് ഡര്‍ട്ടന്റെ നിലപാട്.
‘സ്ത്രീകളെയും കുട്ടികളെയും കൊല്ലാന്‍ തയ്യാറുള്ള ഒരാള്‍ ഇപ്പോള്‍ പ്രസിഡന്റ് പുടിനിലുണ്ട്. ഇത് 2022ലാണ് സംഭവിക്കുന്നതെന്ന് നമ്മള്‍ ഓര്‍ക്കണമെന്നും അദ്ദേഹം പറഞ്ഞു. ഇതു തന്നെയാണ് മറ്റൊരു രാജ്യത്തിന്റെ പരമാധികാരത്തില്‍ കടന്നുകയറാന്‍ ആഗ്രഹിക്കുന്ന രാജ്യങ്ങളുടെയും രാജ്യ തലവന്മാരുടെയും മനോഭാവം അവരെ നേരിട്ടു തന്നെ തോല്‍പ്പിക്കണം എന്ന പക്ഷക്കാരനാണ് ഡട്ടണ്‍.
ഇപ്പോള്‍ സോവിയറ്റ് യൂണിയന്റെ കാലത്ത് പരസ്പരം അക്രമിക്കില്ലെന്ന വാക്കിന്റെ പേരില്‍, സോവിയേറ്റ് യൂണിയനില്‍ നിന്നും വിട്ടു പോവുകയും പിന്നീട് യൂറോപ്യന്‍ യൂണിയന്റെ ഭാഗമാകുകയും ചെയ്ത ചില കുഞ്ഞന്‍ യൂറോപ്യന്‍ രാജ്യങ്ങള്‍ തങ്ങള്‍ക്കും നാറ്റോ അംഗത്വം വേണമെന്ന ആവശ്യം ഉന്നയിച്ച്‌ തുടങ്ങിയ്ട്ടുണ്ട്. ഫിന്‍ലാന്റും സ്വീഡനുമാണ് നാറ്റോ അംഗത്വവും സംരക്ഷണവും വേണമെന്ന് ആവശ്യപ്പെട്ട് രംഗത്തെത്തിയിരിക്കുന്ന രാജ്യങ്ങള്‍. അവര്‍ക്ക് ഭയമുണ്ട്.
നിലവില്‍ റഷ്യന്‍ അക്രമണ ഭീതിയിലാണ് യുക്രൈന്റെ അയല്‍രാജ്യമായ മള്‍ഡോവ. ഈ സാഹചര്യത്തിലാണ് തങ്ങള്‍ക്കെതിരെ വര്‍ദ്ധിച്ച്‌ വരുന്ന ചൈനീസ് ഭീഷണിക്കെതിരെ ഓസ്‌ട്രേലിയ സധൈര്യം യുദ്ധത്തിനിറങ്ങാനുള്ള സന്നദ്ധത അറിയിച്ചിരിക്കുന്നത്.
ചൈനയെയെ ഭയപ്പെടില്ലെന്നും യുദ്ധത്തിന് തങ്ങളും തയ്യാറാണെന്നും പ്രഖ്യാപിച്ചുള്ള ഓസ്‌ട്രേലിയയുടെ രംഗപ്രവേശനം. ലോക മഹായുദ്ധ ഭീതിയാണ് പടര്‍ത്തുന്നത്. ഓസ്‌ട്രേലിയയുടെ ഈ രംഗപ്രവേശനത്തോടെ ലോകത്ത് മറ്റൊരു യുദ്ധമുഖം കൂടി തുറക്കുമോയെന്ന ആശങ്കയിലാണ് ലോകം.
ചൈനയില്‍ നിന്നുള്ള ഭീഷണിയും വഌഡിമിര്‍ പുടിന്റെ യുക്രൈന്‍ അധിനിവേശത്തെ തുടര്‍ന്നുള്ള ആഗോള അരക്ഷിതാവസ്ഥയും കണക്കിലെടുത്ത് ഓസ്‌ട്രേലിയ യുദ്ധത്തിന് തയ്യാറെടുക്കണമെന്ന് പ്രതിരോധ മന്ത്രി പീറ്റര്‍ ഡട്ടണ്‍ മുന്നറിയിപ്പ് നല്‍കിയതായി സിഡ്‌നി മോര്‍ണിംഗ് ഹെറാള്‍ഡ് റിപ്പോര്‍ട്ട് ചെയ്തു.
ഒരു അന്‍സാക് ഡേ ടെലിവിഷന്‍ അഭിമുഖത്തിലാണ് പീട്ടര്‍ ഡട്ടണ്‍ , ചൈനീസ് ആധിപത്യ ശ്രമത്തിനെതിരെ രംഗത്തെത്തിയത്. പ്രധാനമന്ത്രി സ്‌കോട്ട് മോറിസന്റെ അഭിപ്രായത്തെ പിന്തുണച്ചുകൊണ്ട് ‘സ്വേച്ഛാധിപത്യത്തിന്റെ കമാനങ്ങള്‍’ മേഖലയെ അസ്വസ്ഥമാക്കുന്നുവെന്നും അദ്ദേഹം അഭിപ്രായപ്പെട്ടു.
വിവാദമായ സുരക്ഷാ ഉടമ്ബടിക്ക് ശേഷം ഓസ്‌ട്രേലിയയില്‍ നിന്നും 1000 മൈല്‍ ദൂരെയുള്ള സോളമന്‍ ദ്വീപുകളില്‍ ചൈന പുതുതായി പണിയുന്ന സൈനിക താവളത്തെ കുറിച്ചുള്ള റിപ്പോര്‍ട്ടുകളാണ് ഓസ്‌ട്രേലിയയെ പ്രകോപിപ്പിച്ചിരിക്കുന്നത്.
‘സമാധാനം സംരക്ഷിക്കാന്‍ നിങ്ങള്‍ക്ക് കഴിയുന്ന ഒരേയൊരു മാര്‍ഗ്ഗം യുദ്ധത്തിന് തയ്യാറെടുക്കുകയും ഒരു രാജ്യമെന്ന നിലയില്‍ ശക്തമായിരിക്കുകയും ചെയ്യുക’ എന്നതാണെന്നും അദ്ദേഹം കൂട്ടിച്ചേര്‍ത്തു. ‘ഭയപ്പെടരുത്, മുട്ടുകുത്തി നില്‍ക്കരുത്, ദുര്‍ബലനാകരുത്. അതാണ് യാഥാര്‍ത്ഥ്യം, എന്നാണ് ‘ നയന്‍സ് ടുഡേ ഷോയില്‍ പങ്കെടുത്തുകൊണ്ട് ഡട്ടണ്‍ പ്രതികരിച്ചത്.
ചൈനയില്‍ നിന്നുള്ള ഭീഷണി നേരിടാന്‍ ഓസ്‌ട്രേലിയ യുദ്ധത്തിന് തയ്യാറെടുക്കണമെന്നും പ്രതിരോധ മന്ത്രി പീറ്റര്‍ ഡട്ടണ്‍ മുന്നറിയിപ്പ് നല്‍കി. ‘ഒരു പന്തില്‍ ചുരുണ്ടുകൂടുക, ഒന്നും സംഭവിക്കുന്നില്ലെന്ന് നടിക്കുക, ഒന്നും പറയാതിരിക്കുക. അത് നമ്മുടെ ദീര്‍ഘകാല താല്‍പ്പര്യങ്ങളില്‍ ആയിരിക്കില്ല, അതിനെക്കുറിച്ച്‌ നമ്മള്‍ വളരെ സത്യസന്ധത പുലര്‍ത്തണം. എന്നും അദ്ദേഹം പറഞ്ഞു.
ചൈന അതിന്റെ തീരത്തിനപ്പുറം ശക്തിപ്രാപിക്കാന്‍ കൂടുതല്‍ ദൃഢനിശ്ചയം ചെയ്തുകൊണ്ടിരിക്കുകയാണെന്നും മിസ്റ്റര്‍ ഡട്ടണ്‍ മുന്നറിയിപ്പ് നല്‍കി. ‘ചൈനക്കാര്‍, അവരുടെ പ്രവര്‍ത്തനങ്ങളിലൂടെ, അവരുടെ വാക്കുകളിലൂടെ, ഇപ്പോള്‍ വളരെ ആസൂത്രിതമായ ഒരു ഗതിയിലാണ്. ഏത് ആക്രമണാത്മക പ്രവര്‍ത്തനത്തെയും നേരിടാന്‍ രാജ്യങ്ങല്‍ ഒന്നിച്ച്‌ നില്‍ക്കേണ്ടതുണ്ട്. ഇത് ഉറപ്പാക്കാന്‍ കഴിഞ്ഞാല്‍ നമുക്ക് നമ്മുടെ പ്രദേശത്തും നമ്മുടെ രാജ്യത്തും സമാധാനം നിലനിര്‍ത്താന്‍ കഴിയും, ‘ഡട്ടണ്‍ അവകാശപ്പെട്ടു.
പ്രസിഡന്റ് ഷി ജിന്‍പിംഗ് അധികാരത്തില്‍ വന്നതിനുശേഷം, പ്രത്യേകിച്ച്‌ സമീപ വര്‍ഷങ്ങളില്‍, ബെയ്ജിംഗ് കൂടുതല്‍ ശക്തിപ്പെടുകയാണ്. ദൃഢമായ വിദേശനയം. ദക്ഷിണ ചൈനാ കടലിലെ പ്രാദേശിക അവകാശവാദങ്ങള്‍ ചൈന ശക്തിപ്പെടുത്തുകയും ഹിമാലയത്തില്‍ ഇന്ത്യന്‍ സൈനികരെ കൊല്ലുകയും തായ്‌വാന് മുകളിലൂടെ പലപ്പോഴും യുദ്ധവിമാനങ്ങള്‍ പറത്തുകയും ചെയ്തിട്ടുണ്ട്. ഡട്ടണ്‍ കൂട്ടിച്ചേര്‍ത്തു.
