പാലക്കാട് : പാലക്കാട് ജില്ലയില് ഇരുചക്ര വാഹന യാത്രയ്ക്ക് നിയന്ത്രണമേര്പ്പെടുത്തി. സ്ത്രീകളും കുട്ടികളും ഒഴികെയുള്ളവര്ക്ക് ഇരുചക്രവാഹനങ്ങളില് പിന്സീറ്റ് യാത്ര പാടില്ലെന്ന് എഡി എമ്മിന്്റെ ഉത്തരവ്.
മതവിദ്വേഷകരമായ സാഹചര്യം ഉടലെടുക്കാനും തുടര്ന്ന് ക്രമസമാധാന നില തടസപ്പടാനുമുളള സാദ്ധ്യത മുന്നില് കണ്ട് നിരോധനാജ്ഞ നിലനില്ക്കുന്ന സാഹചര്യത്തിലാണ് ഉത്തരവ്.
ജില്ലയില് രാഷ്ട്രീയ അക്രമം കൂടുന്നതിനെ തുടര്ന്നാണ് ഇത്തരമൊരു ഉത്തരവ് ഇറക്കിയിരിക്കുന്നത്. അക്രമസാധ്യതയുള്ള സ്ഥലങ്ങളില് കൂടുതല് പോലീസിനെ വിന്യസിച്ചിട്ടുണ്ട്. ഉന്നത് പോലീസ് ഉദ്യോഗസ്ഥര് സ്ഥലത്ത് ക്യാമ്ബ് ചെയ്യുന്നുണ്ട്. ഏപ്രില് 20വരെയാണ് ജില്ലയില് നിരോധനാജ്ഞ. പൊതുസ്ഥലങ്ങളില് അഞ്ചോ അതിലധികമോ പേര് ഒത്തു ചേരുന്നത് നിരോധിച്ചിട്ടുണ്ട്. പൊതു സ്ഥലങ്ങളില് യോഗങ്ങളോ, പ്രകടനങ്ങളോ, ഘോഷയാത്രകളോ പാടില്ല. ഇന്ത്യന് ആംസ് ആക്ട് സെക്ഷന് 4 പ്രകാരം പൊതുസ്ഥലങ്ങളില് വ്യക്തികള് ആയുധമേന്തി നടക്കുന്നതും നിരോധിച്ചിട്ടുണ്ട്.
ഇന്ത്യന് എക്സിപ്ലോസീവ് ആക്ട് 1884 സെക്ഷന് 4 പ്രകാരം പൊതുസ്ഥങ്ങളില് സ്ഫോടകവസ്തുക്കള് കൈവശം വെക്കുന്നതും അപ്രതീക്ഷിത സംഭവങ്ങള് ഉടലെടുക്കും വിധം സമൂഹത്തില് ഉഹാപോഹങ്ങള് പരത്തുകയോ ചെയ്യാന് പാടുളളതല്ലെന്നും ഉത്തരവില് വ്യക്തമാക്കുന്നു. അവശ്യ സേവനങ്ങള്ക്കും ലോ എന്ഫോഴ്സ്മെന്റ് ഏജന്സികള്ക്കും ഉത്തരവ് ബാധകമല്ല.
മണിക്കൂ റുകളുടെ വ്യത്യാസത്തില് ഇരട്ടക്കൊലപാതകം നടന്ന സാഹചര്യത്തില് സര്ക്കാര് വിളിച്ചു ചേര്ത്ത സര്വ്വകക്ഷി യോഗം ഇന്ന് വൈകിട്ട് മൂന്നിന് മന്ത്രി കെ. കൃഷ്ണന് കുട്ടിയുടെ അധ്യക്ഷതയില് കളക്ടറേറ്റില് ചേരും. ബിജെപി സംസ്ഥാന സെക്രട്ടറി സി. കൃഷ്ണകുമാര്, ട്രഷറര് അഡ്വ. ഇ. കൃഷ്ണദാസ്, ജില്ലാ അധ്യക്ഷന് കെ. എം ഹരിദാസ് എന്നിവര് പങ്കെടുക്കും.
