തൃശൂര്: വിഷുക്കൈനീട്ടം നല്കിയ പരിപാടി വിവാദമാക്കിയവര്ക്കെതിരെ രൂക്ഷ വിമര്ശനവുമായി സുരേഷ് ഗോപി എംപി രംഗത്ത്.
‘നന്മ മനസ്സിലാക്കാന് പറ്റാത്ത ചൊറിയന് മാക്രി പറ്റങ്ങളോട് എന്തു പറയാനാണ്’ എന്നു സുരേഷ് ഗോപി ചോദിച്ചു.
ആ കുരുന്നുകളുടെ കയ്യിലേക്ക് ഒരു രൂപയാണ് വച്ചുകൊടുക്കുന്നത്. 18 വര്ഷത്തിന് ശേഷം വോട്ട് പിടിക്കാനുള്ള കപ്പമല്ല കൊടുത്തിരിക്കുന്നത്. വിഷുവെന്ന് പറയുന്നത് ഹിന്ദുവിന്റേതല്ല, ദക്ഷിണേന്ത്യക്കാരുടെ മുഴുവന് ഒരു ആചാരമാണ്. ഒരു രാജ്യത്തിന്റെ സമ്ബന്നതയിലേക്കാണ് ഓരോ കുരുന്നും സംഭാവന ചെയ്യുന്നതെന്നും സുരേഷ് ഗോപി ചൂണ്ടിക്കാട്ടി.
‘ചില വക്രബുദ്ധികളുടെ നീക്കം അതിനുനേരെയും വന്നിട്ടുണ്ട്. അത് നമ്മുടെ ഏറ്റവും വലിയ വിജയമായിട്ടാണ് ഞാന് കണക്കാക്കുന്നത്. അവര്ക്ക് അസഹിഷ്ണുതയുണ്ടായി. ഞാനത് ഉദ്ദേശിച്ചിരുന്നില്ല. കുരുന്നുകളുടെ കയ്യിലേക്ക് ഒരു രൂപയാണ് വച്ചുകൊടുക്കുന്നത്. 18 വര്ഷത്തിനുശേഷം വോട്ടുപിടിക്കാനുള്ള കപ്പമല്ല കൊടുത്തിരിക്കുന്നത്.
വിഷുവെന്ന് പറയുന്നത് ഹിന്ദുവിന്റേതല്ല. ദക്ഷിണേന്ത്യക്കാരുടെ മുഴുവന് ഒരു വലിയ ആചാരമാണ്. ഒരു രാജ്യത്തിന്റെ സമ്ബന്നതയിലേക്ക് സംഭവാന ചെയ്യുന്നതാണ് ഓരോ കുഞ്ഞും. അത് ആണ്കുട്ടിയായാലും പെണ്കുട്ടിയായാലും’ – സുരേഷ് ഗോപി പറഞ്ഞു.
ഒരു രൂപയുടെ നോട്ടില് ഗാന്ധിയുടെ ചിത്രമാണുള്ളത്. നരേന്ദ്ര മോദിയുടെയോ സുരേഷ് ഗോപിയുടെയോ ചിത്രമല്ല. ഒരു രൂപ നോട്ടെടുത്ത് മഹാലക്ഷ്മി ദേവിയെ പ്രാര്ത്ഥിച്ചുകൊണ്ട് കൈവെള്ളയില് വച്ചുകൊടുക്കുന്നത്, ഈ കുഞ്ഞ് പ്രാപ്തി നേടി നിര്വഹണത്തിനിറങ്ങുമ്ബോള് കയ്യില് ഒരു കോടി വന്നു ചേരുന്ന അനുഗ്രഹ വര്ഷമാവണേ ഈ മുഹൂര്ത്തത്തില് എന്ന് പ്രാര്ത്ഥിച്ചുകൊണ്ടാണ്.
ആ നന്മ മനസ്സിലാക്കാന് പറ്റാത്ത മാക്രി പറ്റങ്ങളോട് എന്താണ് പറയേണ്ടത്? ഞാനുറപ്പിച്ചു, ചൊറിയന് മാക്രി പറ്റങ്ങളാണവര്. ധൈര്യമുണ്ടെങ്കില് പ്രതികരിക്കട്ടെ. ഞാന് കച്ചകെട്ടി ഇറങ്ങിയിരിക്കുകയാണ്’ – സുരേഷ് ഗോപി പറഞ്ഞു.
