ന്യൂഡല്ഹി: പാക്കിസ്ഥാനുമായി ചേര്ന്ന് ഇന്ത്യയെ ആക്രമിക്കാന് ചൈന ഒരുങ്ങുകയാന്നെന്ന് സമാജ്വാദി പാര്ട്ടി നേതാവും മുന് പ്രതിരോധ മന്ത്രിയുമായ മുലായം സിങ് യാദവ് ലോക്സഭയില് മുന്നറിയിപ്പ് നല്കി. അയല്രാജ്യം ഉയര്ത്തുന്ന ഭീഷണി നേരിടാന് എന്ത് നടപടി സ്വീകരിച്ചുവെന്ന് കേന്ദ്രസര്ക്കാര് പാര്ലമെന്റിനെ അറിയിക്കണമെന്ന് അദ്ദേഹം ആവശ്യപ്പെട്ടു.
ചൈനയുടെ ഭാഗത്തുനിന്ന് വലിയ വെല്ലുവിളിയാണ് ഇന്ത്യ നേരിടുന്നത്. വര്ഷങ്ങളായി താന് കേന്ദ്രസര്ക്കാരിന് ഈ വിഷയത്തില് മുന്നറിയിപ്പ് നല്കുന്നുണ്ട്. കശ്മീരില് പാക് സൈന്യവും ചൈനീസ് സൈന്യവും ഒരുമിച്ചാണ് ഇടപെടുന്നതെന്നും ചൈന വിഷയത്തില് എക്കാലത്തും കടുത്ത നിലപാട് സ്വീകരിച്ചിട്ടുള്ള മുലായം മുന്നറിയിപ്പ് നല്കി.
ഇന്ത്യയ്ക്കെതിരെ പ്രയോഗിക്കുന്നതിനുള്ള ആണവായുധങ്ങള് പാക്കിസ്ഥാനില് ചൈന ഒളിപ്പിച്ചിട്ടുണ്ടെന്നും മുലായം പറഞ്ഞു. ഇന്ത്യയ്ക്ക് നാശനഷ്ടം വരുത്താന് പാക്കിസ്ഥാന് കഴിയും. എന്നാല്, ചൈനയാണ് ഇന്ത്യയുടെ മുഖ്യശത്രു. നേപ്പാളില് ചൈന കണ്ണുവയ്ക്കുന്ന സാഹചര്യത്തില് ഭൂട്ടാനെ സംരക്ഷിക്കാനുള്ള ഉത്തരവാദിത്വം ഇന്ത്യയ്ക്കാണെന്നും മുലായം പറഞ്ഞു ചൈനീസ് ഉത്പന്നങ്ങള് . ഇന്ത്യയില് ലഭ്യമാകുന്ന സാഹചര്യത്തെയും മുലായം രൂക്ഷമായി വിമര്ശിച്ചു.
