കൊച്ചി കപ്പല്ശാല തകര്ക്കുമെന്ന് വീണ്ടും ഈ – മെയില് ഭീഷണി. കപ്പല്ശാല അധികൃതരുടെ പരാതിയില് പൊലീസ് അന്വേഷണം ഊര്ജ്ജിതമാക്കി. കഴിഞ്ഞ ആഴ്ചയും സമാന രീതിയില് ഭീഷണി സന്ദേശം ലഭിച്ചിരുന്നു.
കൊച്ചി കപ്പല്ശാലയില് നിര്മാണം പൂര്ത്തിയായ വിമാനവാഹിനിക്കപ്പലായ വിക്രാന്ത് ബോംബിട്ട് നശിപ്പിക്കുമെന്നായിരുന്നു കഴിഞ്ഞ ആഴ്ച ഷിപ്പിയാഡിലേക്ക് ലഭിച്ച ഭീഷണി സന്ദേശം. ഇ-മെയില് സന്ദേശം കപ്പല്ശാല അധികൃതര്ക്ക് കിട്ടിയത് പൊലീസിന് കൈമാറി.
ഇക്കാര്യത്തില് കേസെടുത്ത് പൊലീസ് അന്വേഷണം ആരംഭിച്ചിരുന്നു. ഇ-മെയില് വന്ന ഐ.പി വിലാസം കണ്ടെത്താനുളള ശ്രമമാണ് തുടരുന്നത്.
നാവികസേനയ്ക്കായി ഇന്ത്യ തദ്ദേശിയമായി നിര്മിക്കുന്ന ആദ്യ വിമാനവാഹിനിക്കപ്പലാണ് വിക്രാന്ത്. കേന്ദ്ര ഏജന്സികളും അന്വേഷണം തുടങ്ങിയിട്ടുണ്ട്. വ്യാജവിലാസത്തില് കപ്പല്ശാലയില് ജോലി ചെയ്തിരുന്ന അഫ്ഗാന് സ്വദേശിയെ അടുത്തയിടെ അറസ്റ്റുചെയ്തിരുന്നു. ഇതു സംബന്ധിച്ചും അന്വോഷണം നടക്കുന്നുണ്ട്. ഇതിനിടെയാണ് ഇന്ന് വീണ്ടും ഇ – മെയില് ഭീഷണി സന്ദേശം ലഭിച്ചത്. ഇതോടെ വിവിധ ഏജന്സികള് അന്വേഷണം ഊര്ജ്ജിതമാക്കിയിട്ടുണ്ട്.