ഭോപ്പാല് : മധ്യപ്രദേശിലെ കോണ്ഗ്രസ് എം.എല്.എയുടെ സ്ഥാപനങ്ങളില് ആദായനികുതി വകുപ്പ് നടത്തിയ റെയ്ഡില് 450 കോടി രൂപ പിടിച്ചെടുത്തു. മധ്യപ്രദേശ് കോണ്ഗ്രസ് എം.എല്.എയായ നിലയ് ദാഗയുടെ ഉടമസ്ഥതയിലുള്ള വിവിധ സ്ഥാപനങ്ങളിലാണ് ആദായ നികുതി വകുപ്പ് റെയ്ഡ് നടത്തിയത്.
ഫെബ്രുവരി 18 മുതല് ബേട്ടുല്, സത്ന, മുംബൈ, കൊല്ക്കത്ത എന്നിവിടങ്ങളിലെ 22 ഇടങ്ങളിലായിരുന്നു റെയ്ഡ്. കണക്കില്പ്പെടാത്ത വിദേശ കറന്സി 44 ലക്ഷം,എട്ടുകോടി രൂപ, ഒമ്ബത് ബാങ്ക് ലോക്കറുകള് 15 കോടിയുടെ ഹവാല പണമിടപാടുകള് എന്നിവയാണ് റെയ്ഡില് പിടിച്ചെടുത്തത്. കൂടാതെ ബിസിനസ് ഗ്രൂപ്പിലെ പ്രധാന അംഗങ്ങളുടെ നിര്ണായക വാട്സ്ആപ്പ് സന്ദേശങ്ങള് കണ്ടെത്തി. റെയ്ഡിനിടെ ലാപ്ടോപ്പുകളും പെന്ഡ്രൈവുകളും പിടിച്ചെടുത്തിട്ടുണ്ട്.
കൊല്ക്കത്ത ആസ്ഥാനമായ ഷെല് കമ്ബനികളില്നിന്ന് വന് പ്രീമിയത്തില് ഓഹരി മൂലധനം നേടുന്നതിനായി 259 കോടിയുടെ കണക്കില്പ്പെടാത്ത വരുമാനം അവതരിപ്പിച്ചതായും, കടലാസ് നിക്ഷേപത്തിലൂടെയുള്ള വരുമാനം 90 കോടി രൂപയാണെന്നും ആദായനികുതി വകുപ്പ് പറഞ്ഞു.