ജമ്നാനഗര്‍: ഇന്ത്യന്‍ ക്രിക്കറ്റ് താരം രവീന്ദ്ര ജഡേജയുടെ ഭാര്യ റീവ ജഡേജയ്ക്ക് നേരെ പോലീസ് ഉദ്യോഗസ്ഥന്‍റെ കൈയ്യേറ്റ ശ്രമം. ഗുജറാത്തിലെ ജമ്‌നാനഗറില്‍വെച്ച്‌ റീവയുടെ കാറും ഇരുചക്ര വാഹനവും തമ്മില്‍ തട്ടി അപകടമുണ്ടായി. ഇതേ തുടര്‍ന്നാണ് ഇയാള്‍ റിവയെ കൈയ്യേറ്റം ചെയ്തത്.
സാരു സെക്ഷന്‍ റോഡില്‍ വെച്ച്‌ റീവയുടെ കാറും മോട്ടോര്‍ സൈക്കിളുമായി കൂട്ടിയിടിക്കുകയായിരുന്നു. ഇതേത്തുടര്‍ന്ന് പോലീസുകാരന്‍ റീവയെ തള്ളിമാറ്റുകയും മുടിക്കുത്തില്‍ പിടിക്കുകയും ചെയ്തു. സംഭവം കണ്ടുകൊണ്ടിരുന്ന ആളുകള്‍ ചേര്‍ന്ന് ഇയാളെ പിടിച്ചുമാറ്റുകയായിരുന്നുവെന്ന് ദൃക്സാക്ഷി പറഞ്ഞു.
റീവയ്ക്ക് ആവശ്യമായ എല്ലാ സഹായവും നല്‍കിയതായും പോലീസുകാരനെതിരെ കര്‍ശന നടപടികള്‍ സ്വീകരിക്കുമെന്നും പോലീസ് സൂപ്രണ്ട് പറഞ്ഞു. സംഭവം നടക്കുമ്ബോള്‍ ജഡേജയുടെ മാതാവും കാറില്‍ ഉണ്ടായിരുന്നു.
