ഇടുക്കി: ഇടുക്കി അണക്കെട്ടിന്റെ ഷട്ടര് ട്രയല് റണ്ണിനായി തുറന്നു. ചെറുതോണി അണക്കെട്ടിന്റെ അഞ്ച് ഷട്ടറുകളില് മധ്യഭാഗത്തുള്ള ഷട്ടറാണ് തുറന്നത്.
ട്രയല് റണ് നടത്താനായി 50 സെന്റീ മീറ്ററാണ് ഷട്ടര് ഉയര്ത്തിയത്. സെക്കന്റീല് 50 ഘനമീറ്റര് ജലമാണ് ഒഴുക്കിക്കളയുന്നത്. നാല് മണിക്കൂര് നേരത്തേക്കാണ് വെള്ളം തുറന്ന് വിടുക.
നിലവില് ഇടുക്കി അണക്കെട്ടിലെ ജലനിരപ്പ് 2398 അടി പിന്നിട്ടിരിക്കുകയാണ്. 2403 അടിയാണ് അണക്കെട്ടിലെ പരമാവധി സംഭരണശേഷി. ട്രയല് റണ് ആണു നടത്തുന്നതെന്നും പരിഭ്രാന്തിയുടെ ആവശ്യമില്ലെന്നും കലക്ടര് അറിയിച്ചു. പുഴയില് ഇറങ്ങുന്നതിനും കുളിക്കുന്നതിനും മീന്പിടിക്കുന്നതിനും സെല്ഫി എടുക്കുന്നതിനും കര്ശന നിരോധനം ഏര്പ്പെടുത്തിയിട്ടുണ്ട്.
ചരിത്രത്തില് മൂന്നാം തവണയാണ് ഇടുക്കി അണക്കെട്ടിന്റെ ഷട്ടര് തുറക്കുന്നത്. 1992ലാണ് ഏറ്റവും അവസാനം തുറന്നത്.