കാട്ടുതീയില്‍ നിന്ന് തലനാരിഴയ്ക്കാണ് രക്ഷപ്പെട്ടതെന്ന് നടി ശ്രുതി ഹാസന്‍; ഞെട്ടല്‍ വിട്ടുമാറാതെ താരം

കാലിഫോര്‍ണിയ: വൈറലായി നടി ശ്രുതി ഹാസന്‍റെ ട്വീറ്റ്. കാലിഫോര്‍ണിയെ ഒന്നടങ്കം വിറപ്പിച്ച കാട്ടു തീയില്‍ നിന്ന് തലനാരിഴയ്ക്ക്  രക്ഷപ്പെട്ടതിന്‍റെ ആശ്വാസം പങ്കുവെച്ചാണ് താരം ട്വീറ്റ് ചെയ്തത്.

കാലിഫോര്‍ണിയയില്‍ കാട്ടു തീ പടര്‍ന്നു പിടിക്കുന്നതിന്‍റെ ഒരു ദിവസം മുന്‍പ് വരെ മാലി ദ്വീപിലും ലോസ് ആഞ്ചല്‍സിലും ഉണ്ടായിരുന്നു. കാട്ടുതീയെ കുറിച്ച് ഇപ്പോള്‍ പ്രചരിക്കുന്ന വാര്‍ത്തകള്‍ വിശ്വസിക്കാന്‍ കഴിയില്ലെന്നും എല്ലാവരും സുരക്ഷിതമായി ഇരിക്കണമെന്നും ശ്രുതി ട്വീറ്റ് ചെയ്തു.

ലോക പ്രശസ്ത ഗായിക ലേഡി ഗംഗ, നടിയും മോഡസുമായ കിം കാര്‍ദാഷിന്‍, ഹോളിവുഡ് നടന്‍ റെയന്‍ വില്‍സണ്‍, സംവിധായകന്‍ ഗ്യാലര്‍മോഡെല്‍ ടോറോ, ഗായിക മെലിസ എതറിഡ്ജ് തുടങ്ങിയവര്‍ കാട്ടു തീയെ തുടര്‍ന്ന് കാല്‍ഫോര്‍ണിയയിലെ വീട് വിട്ട് പോയിരുന്നു.

കാലിഫോര്‍ണിയയുടെ ചരിത്രത്തിലെ ഏറ്റവും വലിയ തീ പിടുത്തമാണിത്. ഉത്തര സാന്‍ഫ്രാന്‍സിസ്‌കോ പ്രദേശത്തും ദക്ഷിണ കാലിഫോര്‍ണിയയിലും കാട്ടു തീ പടര്‍ന്നു പിടിച്ചിരുന്നു. മാലി ബീച്ച് നഗരവും അഗ്നിയ്ക്ക് ഇരയായിട്ടുണ്ട്. ഈ പ്രദേശത്തെ പല വീടുകളും കെട്ടിടങ്ങളും കത്തി നശിച്ചിരുന്നു. കാട്ടുതീ നഗരത്തിലേയ്ക്ക് വ്യാപിച്ചതിനെ തുടര്‍ന്ന് ഹോളിവുഡ് താരങ്ങളെ ഉള്‍പ്പെടെയുള്ളവരെ മാറ്റിപ്പാര്‍പ്പിച്ചു.

 

 

prp

Related posts

Leave a Reply

*